Aksident i rëndë në Gjermani, humb jetën një person

19:30:08                 2019-03-17

Një trung i një peme në të cilën është përplasur një veturë të llojit Honda Civic ngjyrë gri, pothuajse ka depërtuar në qendër të automjetit duke u goditur nga ana e pasagjerëve. Në këtë pamje është shumë e qartë: Vozitësi nuk ka pasur asnjë gjasë të shpëtojë. Ai vdiq në vendngjarje.

Sipas informacioneve fillestare, Honda kishte qarkulluar me shpejtësi të lartë, në rrugën S 115 në drejtim të Halbaut të Gjermanisë, rreth orës 18.30, kur papritmas në një kthesë të majtë, u kthye në të djathtë dhe doli nga rruga kryesore.

Fillimisht vetura e goditi një pemë në drejtim të pjesës së pasme të vozitësit, pastaj u hedh rreth 50 metra më tej dhe më në fund e goditi një peme tjetër nga ana e karriges së bashkudhëarit, shkruajnë mediat gjermane, përcjell Shtegu.com.

Përpjekjet e ringjalljes së vozitësit mbetën të pasuksesshme, pasi ai kishte vdekur menjëherë. Identiteti i tij „ende nuk është zgjidhur përfundimisht“, tha një zëdhënës i policisë për „Bild“.