Një skeptik shqiptar i koronavirusit në Cyrih, ka pranuar një gjobë me një faturë prej mbi 4 500 franga nga tarifa gjyqësore. Në Gjykatën administrative, ai kishte parashtruar një ankesë kundër Këshillit qeveritar të Cyrihut – dhe siç tregon tani një vendim, ai humbi
Naim Rashiti nga Fahrëeidi beson se në të vërtetë pandemia e koronavirusit është një komplot i madh. Në fillim të shtatorit ai parashtroi një ankesë në Gjykatën administrative kundër këshillit qeveritar të Cyrihut në lidhje me masat mbrojtëse që ishin përshkruar. Por ankesa dha një efekt të kundërt: Në fillim të dhjetorit gjykata hodhi poshtë ankesën në të gjitha pikat – dhe Naimit i dërgoi një faturë prej mbi 4 500 franga zvicerane. Ai ishte „naiv“, thotë ai tani në Telegram, shesh lojërash online për skeptikët e koronavirusit.
Ka pasur indikacione për një komplot para shpërthimit të pandemisë, e argumentoi Naimi me shumë imagjinatë ankesën e tij: „Në vitin 2019, politikanët, industrialistët, zyrtarët ushtarakë, gjigandët e ndërmarrjeve të teknologjisë dhe pronarët e mediave në Zvicër, u takuan në takimin e Bilderberg për të biseduar pas dyerve të mbyllura“. Këtu mund të ishte planifikuar komploti i madh.
Skeptiku i koronavirusit gjithashtu ka mendimin e tij në lidhje me maskat: Ato çojnë në marrje më të dobët të oksigjenit dhe një „efekt negativ placebo që njerëzit kanë frikë nga njëri-tjetri dhe si rezultat, sëmuren“. Dhe: Testet e koronavirusit nuk funksionojnë fare, transmeton Shtegu.com.
Gjykata nuk u bind nga pikëpamjet e tij. Vetë Naimi e ngarkoi gjykimin me shkrim në internet. Gjykata administrative e refuzoi ankesën e tij në 24 faqe. Përfundimi: Në funksion të pandemisë vdekjeprurëse, masat mbrojtëse janë „në interesin publik“ dhe brenda kornizës ligjore.
Ndoshta shqeësimi më i madh për skeptikun e koronavirusit ka qenë në faqen e fundit: Për deklaratat gjyqësore të koronavirusit, shqiptari nag Cyrihu ka pranuar një faturë prej 4 695 frangash.
Tani në Telegram, ai është në kërkim të ndonjë avokati në mesin e skeptikëve të koronavirusit. Ai është duke menduar që çështjen ta transferojë në Gjykatën federale, ka deklaruar Naimi për „Blick“. Ai gjithashtu dëshiron t’i qëndrojë veprimit të tij me emrin e tij, sepse kjo është kredoja e tij: „Për drejtësi, unë nuk kam nevojë të fshihem“.