Aktivistja qytetare, Ana Gligorova ka shprehur shqetësime lidhur me zhvatjen që po bëjnë përmbaruesit nga qytetarët në Maqedoninë e Veriut. Ajo përmes një postimi ka shkruar për një rast të një qytetareje që për një faturë të vitit 2005, duhet të paguajë 6 mijë euro, përcjell INA. “Në mëngjes mu lajmërua një mik dhe më njoftoi se motra e tij duhet të paguajë 6 mijë euro për ngrohje, për një faturë të viteve 2003 – 2005. Paramendoni vendimi gjyqësor është sjellë në vitin 2015, pas 12 viteve nga borxhi i krijuar. Si mundet që gjykatat për një rast të tillë të zvarrisin, derisa për vepra më të rënda sillen vendime të shpejta. Çka është kjo”, ka pyetur Gligorova.
Ajo ka pyetur gjykatësit dhe përmbaruesit se këto para ju duhen për pritjen e Vitit të Ri në Pragë, Paris, rrobe të brendeve të shtrenjta dhe lukse tjera?(INA)
