“Messi është futbollisti më i mirë në botë”

Lionel Messi është ylli i gjeneratës së tij dhe futbollisti më i madh në historin të futbollit sipas mesfushorit të Manchester Cityt, Ilkay Gundogan.
Ylli argjentinas ka fituar pesë herë Topin e Artë, njëjtë sikurse Cristiano Ronaldo.
Messi dhe Ronaldo janë edhe njëherë favorit për të fituar Topin e Artë, duke mos harruar edhe Virgil Van Dijk që ndihmoi Liverpoolin të fitojnë trofeun e gjashtë të Ligës së Kampionëve.
“Lionel Messi është lojtari më i mirë në botë”, ka deklaruar Gundogan, përcjell lajmi.net.
“Sipas mendimit tim, ai ka aftësi të veçanta. Ai ka talent dhe arrin atë gjithmonë ta tregojë në fushë. Ai gjithmonë ka instinktin për të marrë vendimin e duhur”.
“Ai përdor mirë shpejtësinë e tij kundër kundërshtarëve që luan. Ka një përfundim të fortë. Në përgjithësi, askush tjetër nuk i ka cilësitë e tij”./ina