Zëvendës kryeministrja bullgare dhe ministre e Punëve të Jashtme, Ekaterina Zaharieva vlerëson se vendimi për bllokimin e fillimit të planifikuar të negociatave paraqasëse të Maqedonisë së Veriut me Bashkimin Evropian është gabim i madh historik.
“Bullgaria tha një ‘po’ të madhe për fillimin e negociatave”, deklaroi Zaharieva, duke shtuar se Maqedonia e Veriut meriton t’i fillojë negociatat për anëtarësim me Unionin.
Ajo ka shprehur bindje se nuk ka kush ta vjedhë historinë bullgare dhe se kjo askënd nuk duhet ta brengos.
Agjencia bullgare BGNes, e cila e transmeton deklaratën e Zaharievës, përkujton se në Samitin e fundit në Bruksel javën e kaluar presidenti francez Emanuel Makron ka vendosur veto në fillimin e negociatave paraqasëse me Shkupin dhe Tiranën.