Sulmuesi suedez Zlatan Ibrahimoviq ka gjasa të mëdha që karrierën ta vazhdoj në Amerikën e Jugut, pasi interesim për shërbimet e tij ka shprehur ekipi i njohur Boca Juniors.
Lajmi është bërë i ditur të martën nga e përditshmja spanjolle „Marca“ që ka cituar drejtuesit e ekipit argjentinas, të cilët tashmë ka konfirmuar negociatat me Ibran.
Ky i fundit, te Boca mund të transferohet në fund të këtij viti kur edhe i skadon kontrata me LA Galaxy, ekip të cilit iu bashkua në mars të vitit të shkuar, transmeton Koha Ditore.
„Është e vërtetë se kemi biseduar me Ibrahimoviqin dhe ai ka shprehur interesim të luaj për Bocan. Ne kemi mundësi ta transferojmë atë“, ka thënë zyrtari i Bocas, Jorge Anro. Ibrahimoviq 37-vjeçar, këtë edicion po shkëlqen në MLS, pasi ka shënuar 29 gola në 27 ndeshje të luajtura.
Ai karrierë ka bërë edhe te Manchester Unitedi, PSG-ja, Milani, Barcelona, Interi, Juventusi, Ajaxi e Malmo.