22:13:00 2019-09-10
Një shqiptar 22-vjeçar është arrestuar në Reutlingen të Gjermanisë, si i dyshuar se ka dhunuar një vajzë 18-vjeçare.
Siç njoftoi të martën Prokuroria publike në Tübingen dhe policia në Reutlingen, shqiptari tani është në paraburgim, shkruajnë mediat gjermane, përcjell Shtegu.com.
Pas hetimeve fillestare, natën e së dielës, gruaja e re ishte me shqiptarin 22-vjeçar rrugës për një aheng privat.
Në rrugën «Hermann-Kurz-Strasse», shqiptari dyshohet se e ka tërhequr vajzën në një nënkalim jashtë rrugës dhe e ka përdhunuar. Ai pastaj është arratisur.
Pasi kërkimi për shqiptarin fillimisht ishte i pasuksesshëm, i dyshuari personalisht ka shkuar në stacionin e policisë në Reutlingen, ku u arrestua përkohësisht.
Të hënën pasdite, gjykatësi hetues lëshoi urdhërarrest kundër 22-vjeçarit pranë Gjykatës rajonale në Reutlingen, pas së cilit ai u dërgua në burg.