Ambasada e Shteteve të Bashkuara të Amerikës në Kosovë, përmes një video ka bërë të ditur se nga data 1 tetor qytetarët e Kosovës nuk kanë nevojë të udhëtojnë në Shkup për të aplikuar për vizë, pasi që gjitha llojet e vizave tani do të jepen në objektin e ri të Ambasadës së SHBA-ve.
Shefi i sektorit konsullor, James Finan, po ashtu tregon edhe rregullat se si duhet të sillen aplikuesit e vizave brenda objektit.
“Ata që vijnë për të aplikuar nuk duhet të marrin asgjë me vete, përveç gjërave që kërkohen gjatë intervistimit, në mënyrë që të mos ketë vonesa gjatë procesit të verifikimit brenda ambasadës. Pastaj aplikantët kalojnë në dhomën e intervistave brenda ambasadës.”