Për Marrëveshjen e Ohrit ka dhënë deklarate të ndryshem politikanë vendor e të huaj, por Ish-kongresisti amerikan, dhe kryetari i Ligës Qytetare Shqiptaro – Amerikane, Joe DioGuardi, kohë më parë në një intervistë për KTV-në ka shprehur kritika të forta për mosimplementimin e duhur të Marrëveshjes së Ohrit.
Deklarata e tij është në dhënë në kohën kur po propozohej emri Ilidenska për shtetin e Maqedonisë,
“Më lejoni t’jua japë një shembull. Marrëveshja e Ohrit, e ndërmjetësuar nga BE-ja dhe e garantuar nga SHBA-ja. Ku është sot? Në bërllok. Sepse, ka kalkulime politike dhe politikanët shqiptarë, duke nisur nga Ali Ahmeti, e lanë Marrëveshjen e Ohrit të vdiste. Dhe, tani duan t’i vënë emër të ri Maqedonisë, për të kënaqur të gjithë, pos shqiptarëve – Ilidenska Makedonija, sikurse të mos ekzistonin shqiptarët. A është kjo e drejtë? Prandaj, nuk mund t’u besojmë sllavëve. Nuk mund t’u besojmë rusëve”, theksoi DioGuardi.
Ai ka përmendur se Moska vijon të ushtrojë ndikim në Maqedoni. (INA)