2019-08-02
Pas disa shkrimeve për një takim midis krerëve të ASH-së dhe Alternativa, Ziadin Sela dhe Afrim Gashi në një nga restorantet e Strugës, ka pasuar një prononcim nga partia e Gashit. Portalet kanë shkruar se Alternativa që është pjesë e pushtetit të LSDM dhe ASH po shqyrtojnë një mundësi koalicionimi. Por nga ASH tani për tani nuk janë prononcuar, ndërsa Alternativa ka dhënë një sqarim të saj për Zhurnal.
Zëdhënësi i kësaj partie, Orhan Murtezani ka përgënjeshtruar zërat se në takim është biseduar apo ka pasur diçka për ndonjë koalicionim, pasi që sipas tij, takimi ka qenë i rastësishëm dhe jo i koordinuar paraprakisht.
“Fotot që kanë publikuar janë të vjetra. Ky takim ka qenë para 1 muaji, ka qenë takim spontan i rastësishëm në Strugë”, thotë Orhan Murtezani, zëdhënës i Alternativës. /INA