Foto simbolike
14:28:53 2019-03-17
Mbrëmjen e së premtes, në Gerlafingen të Zvicrës është shkaktuar një mosmarrëveshje midis anëtarëve të një familjeje. Disa persona kanë pësaur lëndime të lehta trupore.
Të premten, pak para orës 21.00, qendra e kujdestarisë policore është alarmuar për një mosmarrëveshje midis disa personave në rrugën „Kriegstettenstrasse“ në Gerlafingen.
Patrullat policore menjëherë kanë shkuar në vendngjarje. Në afësri të një shitoreje me pakicë, policia hasi në një grup personash, përcjell Shtegu.com. Siç u konstatua më vonë, në mes të disa anëtarëve të një familje nga Maqedonia e Veriut ishte shkaktuar rrahje masive. Disa persona kanë pësuar lëndime të lehta trupore dhe janë dërguar në spitalin më të afërt për kontroll.
Policia ka filluar hetimet deri në ndriçimin e plotë të rastit.