Vrasësi i dyshuar nga Maqedonia dënohet pas 24 vitesh në Zvicër

62 Lexime
Këtu kishte ndodhur krimi

 

Një 65-vjeçar nga Maqedonia e Veriut, të martën u dënua me 18 vjet e tre muaj burg në Biel. Gjykata e shkallës së parë e shpalli atë fajtor për vrasje dhe tentativë vrasjeje në Biel-Mett në vitin 1999 

24 vjet më parë u shkaktua një sulm brutal në ndalesën e udhëtarëve në Biel-Mett BE. Babai, nëna dhe djali i atëhershëm 14-vjeçar, asaj mbrëmje ishin në shtëpi. Dy djemtë më të mëdhenj po bënin biznes me një klient në stacionin e trenit. Një grup prej katër burrash hynë në shtëpi dhe prangosën të pranishmit. Burrat ishin të maskuar dhe të armatosur.
Djali dhe prindërit janë torturuar nga autori. Kur dy vëllezërit arritën në shtëpi, sulmuesit qëlluan të paktën katër të shtëna në drejtim të 22 dhe 23-vjeçarëve të atëhershëm. E vetmja gjurmë e ADN-së çoi tek i dënuari tani. Hetuesit i ranë në gjurmë shtetasit të MV vetëm rastësisht në vitin 2015, kur burri raportoi një thyerje në qoshkun e tij në Bernë.

Gjurma e tij e ADN-së përputhej me gjurmët e ADN-së në skenën e krimit në Biel.
Grabitja brutale e një familjeje në qershor të vitit 1999 u konsiderua si një çështje penale e pazgjidhur prej vitesh.

Burri gjithmonë ka mohuar përfshirjen në grabitjen e vitit 1999. Avokati i tij mbrojtës kishte kërkuar shpalljen e pafajësisë. Analiza e ADN-së është me vlerë të dyshimtë. Zyra e prokurorit publik e pa të provuar përfshirjen e burrit në grabitje dhe kishte kërkuar një dënim me 18 vjet burg.

Gjatë grabitjes në lagjen Biel’s Mett, disa burra të maskuar lidhën dhe torturuan me shirit ngjitës një çift dhe djalin e tyre më të vogël, transmeton portali Shtegu. Kur dy djemtë e tjerë të çiftit kanë ardhur në shtëpi në orët e vona të mbrëmjes, njëri prej autorëve ka qëlluar papritur nga dritarja. Një djalë 22-vjeçar ka mbetur i vrarë. Autorët kanë shpëtuar pa u zbuluar.

Sfondi i grabitjes është ende i paqartë. Një vendim i Gjykatës Federale zvicerane për rastin e vitit 2022, duke cituar hetimin, thotë se krimi mund të bazohet në një tregti të paligjshme armësh midis dy djemve të familjes dhe ish-aktivistëve të Ushtrisë Çlirimtare të Kosovës (UÇK).