SIHARIQ: Chair Airlines rifillon me fluturime për në Shkup dhe Prishtinë në qershor

Pas një pauze dymujore, kompania Chair Airlines rifillon operimet e fluturimit në qershor. Dy avionët e parë planifikohet të aterrojnë së shpejti në Prishtinë (Kosovë) dhe Shkup (Maqedoni të Veriut), informoi të premten linja ajrore e themeluar në vitin 2019.

Të dy destinacionet do të jenë në shërbim për çdo ditë nga Cyrihu dhe Bazeli, deri në fund të tetorit 2020. Lidhjet me Ohrin në Maqedoninë e Veriut janë planifikuar gjithashtu për muajin qershor. Ky destinacion do të përdoret nga Cyrihu disa herë në javë, transmeton Shtegu.com.

Fluturimet për në ishujt grekë dhe Qipro do të jenë gjithashtu në dispozicion nga 10 korriku. Destinacionet janë Heraklion në Kretë, Rodos, Kos dhe Larnaka. Kryeqyteti libanez Bejruti gjithashtu është në orarin e fluturimit dy herë në javë nga 9 korriku.

Linja ajrore e shqiptares Lejla Ibrahimi, theksoi se siguria dhe mirëqenia e pasagjerëve dhe ekipazheve janë parësore. Masat higjienike dhe konceptet e shërbimeve të Agjencisë së Sigurisë së Aviacionit të Bashkimit Europian (EASA) dhe Zyrës Federale të Shëndetit Publik (BAG) janë zbatuar plotësisht. Të gjithë pasagjerëve nga mosha gjashtë vjeç dhe të gjithë anëtarëve të ekipazhit u kërkohet të mbajnë një maskë mbrojtëse. Ndërveprimi midis ekipazhit dhe pasagjerëve gjatë fluturimit mbahet në minimum.