Rreth orës 7.15 të mëngjesit, më 30 maj 2020, një shtetas shqiptar 61-vjeçar nga rrethi Gmunden në Austri, ka raportuar në Inspektoratin e Policisë Bad Ischl se ai ishte kërcënuar me thikë nga fqinji i tij 38-vjeçar. Zyrtarët e gjetën të akuzuarin pak kohë më vonë në divanin në banesën e tij, në një gjendje dukshëm të dehur. Në fillim, ai u soll ashpër ndaj zyrtarëve, veçanërisht pasi u pyet për katër thikat që u gjetën në afërsi.
Gjatë hetimit të mëtutjeshëm në vendin e ngjarjes, viktima deklaroi se i akuzuari kishte vjedhur pije alkoolike nga kuzhina e mbyllur e tij disa herë, pasi kishte depërtuar me dhunë atje, shkruajnë mediat austriake. Përveç kësaj, ai me gojë e kishte kërcënuar viktimën të paktën gjashtë herë dhe pesë herë e përdori një thikë të gjatë 32 cm për të theksuar kërcënimin e tij, informon Shtegu.com. I dyshuari u arrestua dhe u dërgua në inspektimin e policisë Bad Ischl. Atje një provë e alkoolit tregoi një vlerë prej 2.1 promila.
Gjatë hetimit të mëtutjeshëm, rezultoi se 38-vjeçari ishte gjithashtu përgjegjës për përsëritjen e thirrjeve ‚Heil Hitler‘ dhe vizatimin e kryqeve naziste në muret e tij . Në kohën e marrjes në pyetje, ai ojesërisht e pranoi veprën dhe me urdhër të prokurorit publik në ëels u dërgua në burgun në Wels.
