Policia gjermane intensifikon kontrollet për punë ilegale

45 Lexime

Nga mesi i javës, zyrtarët doganorë gjermanë nga njësia e kontrollit financiar në Aalen, kontrolluan një kantier në Aalen dhe filluan hetimet kundër një 42-vjeçari nga Kosova dhe punëdhënësit të tij, nën dyshimin për punë të paligjshme.

Punëtori ishte njëri nga disa kosovarë që u gjetën duke punuar në fasadën e një ndërtese banimi. Në krahasim me të tjerët, ai nuk kishte dokumente të vlefshme identifikimi dhe nuk u lejua të qëndronte ose të punonte në Gjermani, informon Shtegu.com.

Hetuesit filluan procedurat dhe informuan zyrën e imigracionit. Në vendngjarje, oficerët morën 500 euro siguri për gjobë. Punëdhënësi, një kompani ndërtimi nga Shtutgarti, do të hetohet në detaje.

Kontrolli financiar i punës së paligjshme në zyrën kryesore doganore në Ulm, ka identifikuar tashmë 17 raste të punësimit të paligjshëm dhe tre raste të të ashtuquajturit vetë-punësim ilegal në disa veprime kryesore në industrinë e ndërtimit, në ditët e fundit. Deri në fund të muajit, doganierët do të kontrollojnë gjithnjë e më shumë kantieret e ndërtimit nga Ostalb e deri në Liqenin e Konstancës.