Myslimanët ndërtojnë kisha, amerikanët mbesin gojëhapur

Askush nuk e kishte pritur këtë aksion të myslimanëve
Tashmë është përforcuar paragjykimi se Islami është një religjion që prodhon terroristë, e sidomos pas sulmeve të ISIS-it, shkruan „Huffington Post.
Sipas ithtarëve të kësaj teze, myslimanët e kanë problem për të akceptuar ndonjë religjion tjetër. Por, ky është një gabim i madh, gjë të cilën e demanton edhe një shembull që ka ndodhur në SHBA.
Pas sulmit në një kishë në Charleston më 17 qershor të këtij viti, me ç`rast u vranë disa persona afroamerikanë, u shkaktuan shumë zjarre nëpër kishat amerikane. tetë kisha të vizituata kryesisht nga ta, u gjendën në flakë.
Ishte një tragjedi e madhe për këtë besimtarë, por ata e pranuan një ndihmë nga një palë e papritur – nga myslimanët. Me një fushatë online, një grup i myslimanëve amerikanë e kishte grumbulluar një shumë prej 65.000 dollarësh për riparimin e kishave, me moton e tyre: „Dëshirojmë për të tjerët ate që dëshirojmë për vete“.
„Nuk është me rëndësi se si dhe përse u djegën këto kisha. Vetëm dëshirojmë t`i ndihmojmë vëllezërit dhe motrat tona me ngjyrë të zezë, në mënyrë që sa më shpejt të kthehen nëpër shtëpitë e tyre të shenjta“, ka deklaruar Linda Sarsour nga „Shoqata arabo-amerikane“.
Por, prej nga vjen kjo gatishmëri për të ndihmuar? Sipas analistes së religjioneve Najeeba Syeed, është muaji i Ramazanit, ai i cili i motivon shumë myslimanë për të ndihmuar. Me këtë rast, nuk është me rëndësi nëse personi është mysliman apo i besimit tjetër.