Një lexues i „20 Minuten“ nuk e kupton përse një furrë buke në Adliswil të Zvicrës ka hedhur kaq shumë produkte të pjekura. Drejtori menaxhues i kompanisë në fjalë tani është prononcuar
Një kalimtar zviceran është tmerruar nga një furrë buke në Adliswil, që e ka hedh ushqimin. “E pashë këtë kontejner përplot me bukë të hedhur. Për mua ky është një mëkat i madh. A nuk mund të bësh diçka tjetër me këtë ushqim?“. Për shembull, ai do të dëshironte që ushqimi të përfundonte te nevojtarët në vend se në kontejner.
Michael Imholz, drejtori menaxhues i furrës Imholz, konfirmon se kontejneri i mbushur me bukë të pjekura vjen nga kompania e tij. „Fatkeqësisht, përkundër përpjekjeve të mëdha, ndonjëherë është e pamundur të shmangen plotësisht tepricat“. Ai shpjegon: „Ne u zhvendosëm në vendin e ri në Adliswil në rrethana shumë të vështira, në fund të shtatorit për shkak të koronavirusit“.
Problemet fillestare të ndryshme të prodhimit dhe një koncept riciklimi dhe asgjësimi që ende nuk po funksionon siç duhet, kanë sjellur në këtë pamje të shëmtuar“, thotë Imholz, transmeton Shtegu.com.
Megjithatë, 49-vjeçari siguron: „Ne jemi të vetëdijshëm për përgjegjësinë tonë të madhe dhe po bëjmë më të mirën për të mbajtur sa më ulët që të jetë e mundur mbeturinat e ushqimit“. Prandaj është zhvilluar një koncept „që bukës t`i jepet një jetë të dytë“. Për shembull, thërrimet e bukës bëhen nga bageta, të ashtuquajturit kërcëllues të bukës bëhen nga buka e ullirit dhe ato që nuk mund të përpunohen më tej, shiten të nesërmen me një çmim të reduktuar në një degë të „Ässbar“, thotë Imholz.
Një pjesë e vogël e bukës së mbetur mund të shkojë edhe si ushqim për kafshë nën rregullore të rrepta. “Në vendin tonë të vjetër, u mor parasysh një fermer që përdor bukë për dele. Fatkeqësisht, në Adliswil kjo nuk ishte e mundur“.