10:48:59 2016-09-22
Duket sikur një mahi e këndshme e një prillit, por është e vërtetë. Një bujk në rrethinën Minden-Lübbecke në Gjermani, pulës së vet Polly ka filluar t`i veshë jelek sigurie.
Pula është shumë e pavarur dhe gjithnjë e gatshme për shëtitje, duke „shetitur“ rregullisht nëpër rrugën kryesore. Deri më tani gjithçka ka shkuar mirë, por ekziston rreziku i goditjes nga ndonjë veturë dhe ajo mund të ngordhë.
Për këtë arsye, bujkut gjerman Clemens Kessmann i ka shkrepur një ide e shkëlqyeshme: Një jelek sigurie për pulën e vet.
„Polly rregullisht e kapërcen gardhin dhe shetitet nëpër rrugën kryesore. Nuk dua ta humbi aq lehtë“, ka deklaruar bujku për mediet gjermane, njofton „Shtegu.com“. Më në fund, përmes internetit, ai e gjeti zgjidhjen e problemit.
Një sipërmarrës nga Anglia ka filluar të prodhojë jelekë të vegjël sigurie, të cilët u përshtaten për mrekulli pulave. Një palë jelekë kushtojnë 59, 99 euro. Më shtrenjtë jeleku se sa pula, ec e bjeri në fije.