14:45:40 2016-01-14
“Shok” është filmi i parë kosovar ndonjëherë i futur në Oscar, në kategorinë e filmit më të mirë të shkurtër, Live Action Short Film.
Janë tri histori të vërteta, rrënqethëse dhe që vijnë nga gjenocidi serb që ndodhi në Kosovë në vitet 1998-1999. Madje, njëra i përket njërit prej aktorëve në film, i cili çuditshëm vjen si agresori i vetë historisë që atij i ka ndodhur vite më parë. Gjegjësisht, ai vihet kinematografisht kundër vetë përjetimit të tij.
Tri histori e kanë detyruar regjisorin anglez Jamie Donoghue që të xhirojë këtë film në Kosovë.
“Shok” është filmi i parë kosovar ndonjëherë i futur në Oscar, në kategorinë e filmit më të mirë të shkurtër, Live Action Short Film.
Filmi sjellë Petritin dhe Okin, dy shokë të ngushtë të cilët gjenden në situata të vështira në kohën e luftës së Kosovës. Trauma, drama, saga para së cilës ndodhen, është e vështirë për një diapazon si ai i tyre.
“Andi dhe Lumi janë dy djem të rinj të cilët më kanë ndihmuar shumë gjatë filmit, plus anglishtja e tyre është shumë më e mirë sesa shqipja ime. Ka qenë një kohë shumë kualitative dhe shumë profesionale të punoja me një ekip të tillë” pati thënë më herët Donoghue. (Klan Kosova)