Një shtetas 42-vjeçar i Maqedonisë së Veriut, është ndaluar me rreth 2.44 promila alkool në gjak. Ai u ndalua nga oficerët e policisë federale gjermane në stacionin e trenit „Löbauer Bahnhof“ me shtatë letërnjoftime dhe karta bankare të vjedhura, informon Shtegu.com. I dehuri gjithastu ishte rrëzuar në platformën e stacionit dhe është dërguar në spitalin Ebersbach për shkak të një lëndimi në kokë.
Më parë, oficerët policorë i kanë konfiskuar dokumentet e vjedhura në Bad Muskau. Policia e shtetit tani po heton përsëri për plaçkitjet e mundshme të tij, pasi paraprakisht ishte në kërkim për vjedhje.