Arrestohet gruaja që pohonte se ka lindur dhjetë foshnje

Shtetasja e Afrikës së Jugut, Gosiame S. pohonte se kishte lindur dhjetë foshnje. Lindja në dhjetor do të kishte qenë një rekord botëror – por 37-vjeçarja me sa duket e ka shpikur këtë ndodhi

Afrikanojugorja Gosiame S. (37) u përpoq të gënjejë rekordin botëror. Tani ajo është zhdukur. Historia që ajo tregoi: Ajo lindi dhjetë foshnje, por foshnjat nuk ekzistojnë.
Gosiame S. jo vetëm që bëri pohimin, por gjithashtu shpiku ndodhinë – së bashku me bashkëshortin e saj Teboho T.. Ai i tha „Pretoria Neës“ se bashkëshortja e tij zyrtarisht po priste tetënjakë. Por gjatë prerjes cezariane thuhet se ka pasuar një surprizë e madhe: në barkun e saj ishin dhjetë foshnje.

Ai kishte pohuar: „Janë shtatë djem dhe tri vajza“. Gruaja e tij kishte lindur para kohësh, ajo ishte „shtatë muaj dhe shtatë ditë shtatzanë“. Dyshimet u ngritën sepse nuk kishte fotografi të mrekullisë së dhjetëfishtë, transmeton Shtegu. Tani është e qartë: Asnjë nga këto nuk është e vërtetë – Gosiame Thamara S. nuk ishte shtatzanë.

Policia arrestoi të enjten 37-vjeçaren në shtëpinë e një të afërmi pranë Johannesburgut.
Agjencia kombëtare e shëndetit e Afrikës së Jugut thotë se hulumtimi ka zbuluar se nuk ka prova të ekzistencës së fëmijëve.

Policia njoftoi, sipas „The Sun“, se gruaja nuk kishte kryer ndonjë krim. Ajo u dërgua në repartin psikiatrik të një spitali të Johanesburgut.

Ekzaminimi zbuloi se ajo nuk ishte fare shtatzanë.

Sipas „Eyeëitness Neës“, ajo u ekzaminua nga një ekip mjekësor. «Vlerësimi mjekësor tregoi se nuk kishte asnjë shtatzani.

Lindja e pretenduar me dhjetë fëmijë pasoi vetëm një muaj pasi Halima Cisse, 25, nga Mali lindi nëntë fëmijë – pesë vajza dhe katër djem. Në fillim ajo mendoi se po priste shtatë fëmijë. Por ishin nëntë foshnje që panë dritën e diellit në një spital në Marok. Dhe këto nëntë foshnje ekzistojnë vërtet.