Të premten e kaluar, në një ankand në Angli u shit mështjerra më e shtrenjtë në botë. Çmimi i viçit është rreth 300 mijë euro, duke thyer të gjitha rekordet e mëparshme
ëilodge Poshspice është emri i mështjerrës shitja e së cilës shkaktoi jehonë të madhe të premten e kaluar. Në një ankand në Carlisle, Angli, çekiçi i ankandit trokitit në 262 000 funta, ekuivalenti i rreth 300 mijë eurove.
Kjo dyfishoi çmimin e rekordit të mëparshëm prej 131 250 funtave, shkruajnë mediat e huaja, transmeton Shtegu.com. Mështjerra tani ka një vlerë po aq sa edhe një veturë Ferrari F8 Tributo Spider.
Bagëtia në fjalë është një vjeç e gjysmë, e racës së pastër limuzinë. Raca karakterizohet veçanërisht nga pjelloria, fuqia dhe cilësia e mishit. Kjo është arsyeja pse është veçanërisht e përshtatshme si një bagëti shumuese.
Breeder Christine ëilliams, mështjerrën Poshspice e përshkruan për BBC si “të zgjuar dhe elegante”. Përveç kësaj, ajo ka “diçka të caktuar”. Nuk është çudi, në fund të fundit, ajo u emërua sipas një anëtari të bendit britanik të vajzave, Spice Girls.
Për prodhuesin e saj, çmimi “pothuajse ndjehet sikur kur fiton lotarinë”, është një shumë “e pabesueshme”. Ndoshta është për shkak të gjeneve të mira që ëilodge Poshspice është bërë një lopë e veçantë. Për shkak se nëna e saj Millbrook Gingerspice është gjithashtu “e shkëlqyer” dhe tashmë ka fituar çmime të shumta.
