Një djalosh shqiptar 17-vjeçar është zhdukur në Dübendorf, që nga mesdita e së martës. Policia po kërkon informata, shkruan „Blick“, përcjell Shtegu.com.
17-vjeçari U. H. e la vendin e tij të punës rreth mesditës dhe që atëherë është zhdukur, tha Policia e Kantonit të Cyrihut. Ai vuan nga trisomia 21, prandaj policia kërkon që ndaj tij të sulleni qetë dhe butë.
Personi i zhdukur është i gjatë rreth 160 centimetra dhe me shtat të fortë. Ai ka flokë ngjyrë kafe, të shkurtër. Është i veshur me tuta blu stërvitjeje dhe një triko gri të errët. Ai aktualisht nuk ka të veshur ndonjë xhaketë shiu dhe prandaj duhet të tërheqë vëmendjen.
Informata mund të raportohet në Policinë e Kantonit të Cyrihut në 044 247 22 11.