Bashkësitë fetare islame në Vorarlberg e kanë dënuar sulmin terrorist në Vjenë. Terrori dhe urrejtja nuk kanë vend në fe, raportojnë bashkësitë fetare islame në Vorarlberg të Austrisë dhe shoqata turko-islamike „ATIB“.
Për nga përmbajtja, kësaj i bashkohet edhe partia e migrantëve „Shtëpia e të gjitha Kulturave“, informon Shtegu.com. Komuniteti alevit i Austrisë shkruan se nuk ka justifikim për vrasjen e njerëzve të pafajshëm. Ne duhet të punojmë së bashku për t’iu kundërvënë terrorit dhe dhunës.
Gjatë një tranemstimi të së martës, edhe peshkopi Benno Elbs gjithashtu shprehu tmerrin e tij për sulmin terrorist në Vjenë. Sulmi vë në pikëpyetje gjithçka që mund të besojmë në bashkëjetesën tonë, të tilla si respekti dhe vlerësimi për njëri-tjetrin, liria dhe siguria, shkruan peshkopi. Por është gjithashtu e rëndësishme të mos i përgjigjeni dhunës me kundërdhunë. „Mendimet e mia shkojnë për të gjithë ata që kalojnë ditën me shumë frikë dhe pasiguri“, tha Elbs.