Një fitues i lotos në Kanada ka shkaktuar rrëmujë në opinion pasi ai personalisht, por edhe e bija e tij ishin goditur nga rrufeja.
Sipas llogarive matematikore, një gjë e tillë mund të ndodhë një herë në 2.6 bilionë raste.
Gjatë jetës të përjetosh goditje të rrufesë dhe të fitosh në loto, realisht nuk është e mundur. E sidomos kur edhe e bija gjithashtu goditet nga rrufeja, një gjë e tillë mund të ndodhë vetëm një herë në 2.6 bilionë raste. Për Televizionin amerikan ABC, këtë e ka llogaritë një profesoreshë e matematikës.
Kanadezi Peter McCathie është njëri nga ta, i cili në moshën 14-vjeçare kishte mbijetuar një goditje të rrufesë. Të njëjtën gjë e kishte përjetuar edhe e bija e tij, ndërsa tani, ai e ka fituar preminë e lotarisë kanadeze „Atlantic Lottery“. Përpos kësaj, ai do të marrë edhe 7.000 euro shtesë duke pasur parasysh se tiketën e lotarisë e kishte blerë në shitoren e tij personale, në Amherst të Nova Scotia.
Fitimi ai do ta ndanë me miken e tij, Diana Miller, ndërsa me paratë, ai do të shkojë me bashkëshorten e tij për herë të dytë në muajin e mjaltit, pas 30 vitesh bashkëshortësie. Për fitimin e papritur, McCathie për Televizionin kanadez CTV ka deklaruar: „T`ju them sinçerisht, më përpara e prisja një goditje të sërishme të rrufesë se sa të fitoj në loto“.